Utvalsaker:

Overordna prinsipp:

Alle utvalsaker skal klarerast med rådmannen på førehand, dette gjeld også saker til administrasjonsutvalet.

Formulering og skriving av vedtak:

• Vedtak i utvalsaker som skal vidare til kommunestyret for endeleg vedtak skal ha overskrift: "Samrøystes framlegg til vedtak: - (event. Framlegg til vedtak mot ..... røyster)"
• I saker som skal til kommunestyret skal vedtaket opnast med "Kommunestyret godkjenner ......."
• Vedtak i administrasjonsutvalet skal opne med "Administrasjonsutvalet godkjenner ......."
• Skal saker oversendast frå utval til administrasjonen (rådmannen) for vidare arbeid, skal dette stå i vedtaket.
• Administrasjonen kan ikkje formulere framlegg til vedtak i møtet. (Men kan gi råd/bistand til politikarane.)
• Vedtaktekst må ikkje vise til anna vedtak utan at dette er referert.
• Alle framlegg til vedtak og endelege vedtak skal stå i hermeteikn.

Føring av møtebøker:

• Utforminga skal følgje fastsett mal i sak-/arkivsystemet.
• All saksbehandling i møtet skal førast i møteboka.
• Innstillingstekstar skal ikkje endrast etter møtet.
• Utsette saker skal ha med all tekst frå tidlegare behandling.

Saksbehandling når utvala er høyringsinstans:

Det skal leggjast fram ei felles sak til alle utvala, der alle sider er vurderte, og der det er drøfta fram ei felles innstilling frå administrasjonen/rådmannen.
Det kan gå på omgang mellom kommunalsjefane å ta hovudansvar i slike saker.

Originaldokumenta skal følgje saka.
Saker vert arkiverte på den avdelinga der det er gjort endeleg vedtak.